نزعل ونتكبروححنا

نزعل ونتكبّر وحنا من الطين

والكل منا صدّ لا أقبل خويّه!!

نفخر نقول إنا على الصد قاوين
وهيّ علينا في الحقيقة قويه!!
نشفق على الطيبة و كسب الكريمين

وهذي بنا ؟؟لاشك فعلة رديه!!

ننسى نهايتنا وعلى وين ماشين

وننسى الزمان اللي جمعنا سويه!!

المشكلة ماهي بحاجة لتخمين

ولا هي بعد يا ناس صعبة القضيه!!

دق الرقم:كيفك هلا فيك وأهلين

أنا الخوي اللي مزعّل خويه!!

قلّه: تغيب وصورتك داخل العين

أخوان حنا لو يجي بيننا شين

و مانفترق دام المحبة نديه!!

خلك قوي لاتحتكرك الشياطين

قبل الفوات وقبل وقت المنيه!!

كلّم خويك باطيب الهرج واللين

وأعرف جميل الهرج يمسح رديه!!

هذي هي الدنيا من الحين لـ الحين

لابد بين الناس تحصل خطيه!!

ومن لا يقدّر غلطة أحبابه الحين

يقرأ حروفي ويعتبرها هديه!!

باكر تمر سنين وسنين وسنين

والكل يرحل في الدروب المديه!

صدقني تندم وأذكر حروفنا زين

تندم على خلك إذا غاب ضيّه!!

دنيا غريبـة وأكثر الناس ماشين

وكم صاحبٍ والله دفنته بيديه

مماراق لــــــــــــي
ودي واحترامي